В. Завоевание татарами финнов и славян из Львовской летописи

В лето 6745. Toe же зимы от восточные стрыны приидоша татари на Резанскую землю лесом со царем Батыем, и сташа Онузе, взяша ю. И в Рязань послаша послом жену черодеицу, а с нею два мужа, просяще десятого в людех, а во князех и в коних, от всякие шерсти десятые лошади... И татарове начаша воевати землю Резанскую. И пришед, оступиша град Резань, декабря 16, и острогом оградиша, и взяша град того месяца 21, а князя Юрья Ингваревича убиша и княгиню его, а людей изсекоша, а иных плениша, а град зажгоша. Пойдоша х Коломне..: И ту у Коломны бысть им бой крепок... А татари, пришедше к Москве, взяша ю, а князя Володимера Юрьевича изымаша... И татарове приидоша в то время к Володимерю, февраля 3... приведоша же с собою

Володимера Юрьевича к Золотым воротам глаголюще: "Знаете ли княжича вашего?"

Братия же его, Ослюдякович и вси людие видевше и многи слезы излияше, видяще его во мнозе истомлении. Тотарови же отступлеше от врат граду, и град объехавше, потом станы сташа противу Златых врат на Зреми... Тотари же шедше, Суздаль взяша; приидоша к Володимерю..., начаша полки рядити, на ту нощь град весь тыном оградиша. По утрим; же видевше князи и владыка Митрофан, яко уже граду их взяту быти, постриже владыко всех князей и княинь... февраля 7. А татари начаша по[л]ки рядити и ко граду приступати; и внидоша, стену выбившу Златых врат, и внидоша по примету во град, тако же и от Лыбеди во Оринины Ворота, в Меденые, от Клязьмы Волжеские врата; и тако взяша град, огнем запалиша. А князи бежаша во средний град, а княини со снохами, и з дочерью Федорою, и со внучаты, и иные княини, и боярыни, и люди мнози затворишася во церкви на полатех. А татари и тот град взяша,; и у церкви двери высекше, многа древня наволочиша, и около церкви обволочиша древнем, и тако заполиша, вси и тамо сущии задхошася, а прочии же князи и людие оружием изсекоша. И оттоле разспавшеся татари по всей земли той, к Ростову, и Ярославлю, и на Городец, и по Волзе вся грады поплениша и до Галича Мирского; а инии к Юрьеву, и к Переславлю, и ко Дмитрову, и тех взяша; а инии Тверь шедше взяша, в ней же сына Ярославля убиша; и вся грады поимаша по Ростовской земле и Суздальской, во един месяц февраль градов 14, несть же место по всей земле до Торжку, идеже не быша.

П. С. Л., т. XX, ч. 1, стр. 156, 157.

 

 

© Copyright 2017. "Историческая библиотека"