Из Лаврентьевской летописи

В лето 6611... Того же месяца [августа] в 18 день иде Святополк и сруби город Гюргев, его же беша пожгли половци. Того же лета бися Ярослав с мордвою [77], месяца марта в 4 день, и побежден бысть Ярослав.

В лето 6734... Того же лета посла великый князь Гюрги Святослава Ивана, брату свою, на мордву, и победиста мордву и взяста неколика сел и взвратистася с победою...

В лето 6736... Того же лета, месяца семтября, великый князь Юрги посла на мордву Василька Константиновича и своего мужа Еремея Глебовича воеводьством с полком. И бывшим им за Новым городом [78] на пределех мордовьскых..., послав Гюрги, возврати их..., не даст им воевати, зане погодья им не бысть...

Тое же зимы, месяца генваря в 14 день великый князь Гюрги [с другими князьями]... идоша на мордву; и муромскый князь Порти Давыдович вшед в землю Мордовьскую, Пургасову волость, пожгоша жита и потравиша, и скот избиша, полон послаша назад, а мордва вбегоша в лесы своя, в тверди, а кто не вбегл, тех избиша... в 4 день генваря. То видевше молодии Ярославли и Василькови и Всеволожи, утаившеся; на заутрие ехаша в лес глубок, а мордва давше им путь, а сами лесом обидоша их около, избиша и, а иных изимаша, бежаша в тверди, тех тамо избиша, и князем нашим не бысть кого воевати. А болгарьскый князь пришел был на Пуреша, ротника Юргева, и слышав, оже великый князь Юрги с братьею жжет села мордовьская, и бежа прочь ночи...

В лето 6737 месяца апреля... придоша мордва с Пургасом к Новугороду, и отбишася их новгородци... Того же лета победи Пургаса Пурешев сын с половци, и изби мордву всю и Русь Пургасову, а Пургас едва вмале утече...

В лето 6740. Поиде князь великый Гюрги к Сереньску, и стояв станом на Уполозех [79].

...Того же лета придоша татарове, и зимоваша, не дошедше великого града болгарьскаго. Toe же зимы посла великый князь Георги сына; своего Всеволода на мордву... и пожгоша села их, а мордвы избиша много.

П.С.Л., т. 1, в. 1, стлб. 280; в. 2, сглб. 448, 449, 450, 451, 459.

 

 

© Copyright 2017. "Историческая библиотека"