Из царского наказа архиепископу Гурию, 1555 г.

...А которые татаровя похотят креститись своею волею, а не от неволи, и ему тех велети крестити, и лутчих держати у себя в епископье и поучати всему крестьянскому закону, и покоити их как мочно, а иных роздавати крестити по монастырем; а как новокрещены из под научения выдут, и архиепископу их звати к себе ясти почасту, а пойти их у себя за столы квасы, а после стола посылати их поити медом на загородской двор. А которые татаровя учнут к нему приходите челом ударити, и. ему их велети кормити и поити у себя на дворе квасом же, а медом их пойти на загородском дворе; кротостию с ними говорите и приводите их к крестьянскому закону, и разговаривая с ними тихо со умилением, а жестостию с ними не говорити. А которой татарин до вины дойдет и убежит к нему от опалы, от каковы ни буди, и похочет креститись, и ему того воеводам назад никак не отдати, и крестити его, и покоите у себя, и посоветовати о том с наместниками и с воеводами, и будет его приговорят держать в Казани, на старой его пашне и на ясаку, ино его держати на старой его пашне и на ясаку, а нельзе его будет держати в Казани, чая от "его впред измены, ино его крестив, отослати к государю и великому князю. А которого татарина в какове в вине велят его воеводы казните, а придут о нем иные татарове бити челом о печалованье и архиепископу, о тех посылати отпрашивати, и по совету паместничу и всех воевод имати тех людей у наместника и у воевод за себя, и которых пригоже, тех держати в Казани; а которым в Казани быти непригоже, и тех отсылали к государю царю и великои у князю, а о них с печалованьем и устроеньем писати грамоты к государю царю и великому князю. Да держати архиепископу совет с наместником и с воеводами: на которых татар будет у них опала невеликая, а похотят которых острастити казнию, а до казни не дойдут, и они v6 о тех сказывали архиепископу,, и архиепископу тех от вины отпрашивати, хоти ему от них и челобитья не будет; и всякими обычаи, как возможно, так архиепископу татар к себе приучати и приводите их любовью на крещение, а страхом их ко крещению никак не приводите. А услышит архиепископ которое безчиниё в казанских и в свияжских воеводах, и в детех боярских, и: во всяких людех, или в самих наместникех какое безчиние увидит к закону хрестьянскому, и архиепископу их о том поучати со умилением; а не учнут слушати, и архиепископу им говорити с запрещением, а не имутся за его поучение и запрещенье, и архиепископу тогды писати о тех их безчиньях к царю и великому князю.

"Акты археографической экспедиции Академии наук", т. I, стр. 259—260.

 

 

© Copyright 2017. "Историческая библиотека"