Из Софийской второй летописи

Того же лета [70] 43 государь князь великий Иван Васильевич всеа Русии ополелся на татар Шигалея царя, и бысть их в Новегороде восмьдесят и боле, и пометаша их в тюрьму; они же, по своей скверной вере, в пять дней все изомроша, такоже и во Пьскове семьдесять вскоре изомроша. Един же от них... крестися с женою и с детьми, зовемый преже Осан, а во крещении Михаил; ...Они же... начаша прилежно молитися живоначальной троицы и хвалити православную святую веру...

...Тое же зимы, лета 7044, онех преже реченных татар жены же их видевше мужей своих, по своей скверной вере, скорую и нужную смерть и погибиши же душею и телом, они же яко от злаго сна воспрянувше и начаша приходяще молитися боголюбивому архиепископу Макарию, просити святаго крещения. И пресвященный архиепископ Макарий посылал к государю великому князю Ивану Васильевичю всеа Русии и моля о них, чтобы их крестити, хотя бо вся человеки спасти и в разум, истинный привести; и государь князь великий повеле их крестити. И архиепископ Макарий повеле их роздати по священником соборным святей Софеи и по градским священником, где которым подобно быти, и повели их учити по правилом... И просветити их святым крещением... А крестишася числом в Великом Новегороде жен 43, а детей 36, а во Пскове крестиша жен и детей 50 и един, а в Орешке 12, а в Кореле 30; и се елико множество душ избыша козни лукаваго диявола и познаша святую православную веру...

П. С. Л., т. VI, стр. 297—299.

 

 

© Copyright 2017. "Историческая библиотека"