Из Казанского летописца

[Казанский хан Махмет-Амин] присече коупцов богатых и всю Русь, живущую в Казани и во всех улусех, и з женами и з детьми в лето 7013 г(о), на рождество великаго Ивана Предтечи [24 июня] — на той бо день съеждахуся в Казан и со всяя земля Руския богатии купцы, и многая иноземцы дальни торговаху с Русью великими драгими товары... И взя царь весь драгии товар и безчисленное богатство о купцов руских в казну свою, и насыпа до верху палату полну рускаго злата и сребра, и подела от того себе венца драгия и сосуды и блюда серебряный и златыя, и весь царскии наряд драгии устрои...

На велицем бo лузе и на Арском поле, окола града, поставляше царь до 1000 шатров на праздники своя, и вельможи ево в них же корчемствоваше, пияше с ними и всяцеми потешнъми царьскими воселящеся, честь (празднику) творяще; таюоже и граженя вой, мужи з женами и з детьми гуляюще по них, пияху в корчемницах царевых купящи на цену, и прохлажахуся. Много же народу и черемисы збирахуся на праздники тыя с рухлом своим из дальних улусов, и торговаху з градскими людьми, продающе и купующе и меняюще и пять тысяч (с) собою затвориша иноземских купцев, бухар, и шемахеи, и турчан, и армян, и инех, не испустивше их из града до прихода силы руския, итти во страны своя, Турман и Армень: ведаху тех огненному бою гораздых и принужаху их битися с Русью: оне(м) же не хотящим и отрицающимся аки неумеющим дела того, и приковываху их железы к пушкам, и с омнаженными мечи стояху над главами их, и смертью претяху им; и тако их принудиша неволею ис пушек бити по руским полком.

П. С. Л., т. XIX, стлб. 229—230, 233—234 (список Румкнцевского музея), 26 и 130 (Соловец. сп.).

 

 

© Copyright 2017. "Историческая библиотека"