Из Казанского летописца

...В лето 7061 го, месяца октября в 2 день.

Уже в подкопе под градом зелие готово суще с огнем, и повеле государь царь от всех стран приступати ко граду... Зажену бо (бы)вшу подкопу в обоих местех в неделю, в первый час дни... и начат рвати стрелни и городни, и понесе на высоту древеса градная, яко стрелы, и (з) землею и с людьми, иже быша на стене, готовяхуся к приступу; егда же вырвало стену, и в той час ударишася ратью на град многое воинство... со всяцем дерзновением, яко облаком носими, скороустремительно, на град, на стену; и в самый град скакаху со всех стран... И тако великим звуком приступиша в первый час дни. Мнетися бо, яко и месту поколебатися от обоих стран шума, от пушечного стуку, и от щищальнаго стреляния, и от трескоты оружия, и от клича людскаго. Яко звери лютии, рыкающе, друг друга наскакаху, зле сечахуся... казанцев одолеша и скачюще во град, овии в полое место, инии по бревном и по лесницам лезуще на стену... Скоро внидоша во град, яко вода многа покры море; и погнаша татар со всех стран на среду града, быоще, и секуще, их без милости, по улицам и по дворам, и инех же из ям влачаху и из мизгитей и с полат, секуще и закалаху, яко свиней, и одирающе их до последние наготы...

И тако ту бивше их, прогнаша их к цареву двору. Татаровя же сташа о дворе Цареве и хотяху сотворити и крепчайшую брань. И ту абие приспе князь Михайло Иванович Воротынской и с ним тмочисленное множество воин... И нападаше на казанцов зле сечаху их... Тако и ти побиени быша. И ту падоша вси князи, и мурзы казанские, и вси людие могутии воинские, и вси жильцы дворовыя казанского царя, и вен воины, оружие взяти могущие. И пролияся кров их яко вода по удолием, и телеса их падоша яко сенная грамота; по улицам же не вместно проити, но по храминам хождаху. А иные побегоша за град, со стены валяющеся, за Казанку реку, к лесу, по Галецкой дороге. И ту стояше правая рука, князь Петр Михайлович Щенятев, да князь Андре(и) Михайлович Курбской, а с ними многие люди московские, новогородцы, и псковичи, и мещане; и тех казанцов людие тамо побита, мало от тех едва кто возмог утещи на лес. Во граде же христьянстии людие взяша неисчетное богатество и в полон многое множество княгинь и мурзиных жен и детей просто рещи, от великих даждь и до простых всех плениша...

И тако град Казан взят бысть и самой царь их Едигер ухващен бысть...

...И шед полем округ и прелезе Волгу, и засяде Казан пустую, Саинов юрт, мало во граде живущих (обрет) и собирающеся срацыны и черемисы... от плена худыя болгары, казаньцы, и молиша его быть заступника бедам их от насилия и воевания руского, помощника и царству строителя, да не до конца запустеют, и повинушася ему. Царь же вселися в жилищи их, и постави собе древяный град крепок на (н)овом месте, крепчайше стараго, не далече от старые Казани, разоренныя от московския рати. Начаша ко царю собиратися мнози варвари от различных стран от Златыя орды, и от Астрахани, и от Азова, и от Крыма...

П. С. Л. т. XIX, стр. 220, 457-462

 

 

© Copyright 2017. "Историческая библиотека"