Из Львовской летописи

Того же лета [6976] сентебря, ходил х Казани царевич Касын [29], а с ним великаго князя воеводы, князь Иван Васильевич Оболенской Стрига со многою силою и прочими. И пришед к Волзе, идеже бе перевестися, и ту срете их царь казаньский Обреим со всеми князьями и з силою своею, и не даст им перевестися на свою сторону. А позван был царевич от царей казанских, от Авдул-Мамона и от прочих на царство лестию. Он же надеялся на них, а льсти их не ведая, испроси; силу у великого князя, чая получити обещанное ему; и не успев ничтоже възвратитися. Истомен же бе путь им, понеже бо осень студена и дождева, а корму нача неставати, яко мвози крестьяне в постныа дни мясо ели, а кони их з голоду мерли, яко мнози от них и доспехи метали; но сами все здрави приидоша, кийждо в свояси. И татари казанстии, по отходе их, часа того поидоша изгоном в Галичю, и мало нечто полону взяша, а градом и всем ничтоже успеша; все бо бяше в осаде в граде. А князь великий разослал по городам заставы: в Муром и в Новгород в Нижней, на Кострому и в Галич, и веле им сидети в осаде, стеречися от Казани. Toe же осени послал князь великий Иван черемисы воевати князя Семена Романовича, а с ним многих детий боярьских, двор свой. И съвокупившеся вси, поидоши из Галича, декабря 6, и поидоша лесы без пути, а зима была вельми студена.

Toe же зимы, генваря 6, рать великаго князя прииде в землю Черемисскую, и многа зла учиниша земли той: люди изсекоша, а иных в плен поведоша, а иных изожгоша; а кони их и всякую животину, чего нельзе с собою имати, то вся изсекоша; а что было живота их, то все взяша. И повоеваше всю землю ту, досталь пожгоша; а за один день до Казани не доходили. И възвратишася, приидоша к великому князю вси поздорову. А муромцом и новугородцом, велех князь великий и воевати по Волзе. И те шедше, повоеваша горы и бораты по обе стороны. А татарове казаньские, тое же весны, шедше взяша Кичменгу и зажгоша. Князь же великий посла переимати их. И тое же весны, по велице дни, послал князь великий на Каму воевати многих детей боярских, двор свой, и мест казанских: с Москвы к Галичю Руна с казаки, а из Галича Семеновых детий Филимонова, Глеба, Ивана Шуста, Василия Губу. И поидоша к Вологде, и Руно с ними, а с Вологды поидоша с вологжаны в судех к Устюгу, мая 9, и с Юстюга поиде князь Иван Звенець с устюжаны, а Иван Игнатиевич Глухой с кичемжаны. И сняшася вси вместе на Вятке под Котельничем, и оттоле поидоша с ними вятчане мнози. И бысть весть вятчаном, что идуть на них казаньцы, и възвратишася назад к Вятке, а с триста их поидоша с великого князя воеводами. Казанцы приидоша со многою силою к Вятке, И не възмогоша вятчане противитися им, предашася за казанского царя Обреима. А воеводы великого князя повоеваша черемису по Вятке реце, и поидоша из Вятки по Каме на низ, да воевали и до Тамлугц, и гостей [30] побили многих, и товару у них поимали много; ходили до перевоза татарского, да опять воротилися вверх, воюочи казаньские же места, и в Белую Волжку ходили воевати. А в то время казаньские татарове, двесте человек, воевати же пошли.

 

 

© Copyright 2017. "Историческая библиотека"