Из "Жития ордынского царевича Петра"

Святому архиепископу ростовскому Кирилу, ходящу в татары с честию к царю Берки за дом святыа богородица. Царь же, слышав от него, иже о святом Леонтии от греческия земли родом, и како благословлеиием патриарха прииде, како крести град Ростов, и како увери люди, и како честь прия (от) русских князей и от греческого царя и от патриарха вселенского собора, како по преставлении его одеваются чудеса преславная от раки мощей его и до сего дни. И ива многаа учениа от евангельскых указаний глагола. И слышав царь Берка от епископа, возрадовася, и потчести возда ему, его же требует, и отпусти и с миром царь Берка. По его животе князи ярославстии годовнии оброки носят на гроб. В то же лето разболеся сын его, един бо бе у него. Царь же от врачев не обрете никоеа пользы, и умысли сице: посла в Ростов по святого владыку, и обеща ему дары многы, да исцелит сына его. Владыка же повелев пети молебны в Ростове по всему граду, освятив воду, и пришед в татары, и исцели сына царева. Царь же возрадовася со всем домом и всею Ордою своею, и повеле давати владыце оброки годовнии в дом святыа богородица.

Макарий, История русской церкви, т. IV, кн. 1, стр. 366.

 

 

© Copyright 2017. "Историческая библиотека"