Из Тверской летописи

В лето 6879 месяца априля в 10 день от Мамаева царя прииде из Орды князь великий Михайло Александрович Тверскый на великое княжение с ярлыком, а посол с ним Сарыхожа; и поиде с Твери мимо Кашинь, подле Волгу. А князь великий Дмитрей Московскый по всем градом бояр и люди привел к целованию не датися им князю Михаилу, а в землю его не пустити на княжение на великое; а сам с братом своим Володимером ратию стал в Переяславли. И посол царевь посылал к Дмитрию звати в Володимерь, к ярлыку и князь Дмитрей отвечал: "К ярлыку не еду, а на великое княжение не пущу, а тобе послу цареву потчесть". И приела звати посла, и посол, дав ярлык князю великому Михаилу, да поихал от Мологи на Москву, а князь великий Михайло поиде назадь на Бежитскый Верхь воюя, и прииде в Тверь маа в 23, и пусти сына своего князя в Орду; а татарин многое поимавь, поиде в Орду с Москвы. И потом князь великий Дмитрей в Орду поиде, и подаа сребра много от великого княжения; окааннии же измалтяне [83] за безаконие на(ше), вьвергоша меч в Рускую землю, и почестили князя Дмитреа, давь княжение великое ему, а князю великому Михаилу приказали: "Дали бы сами тебе княжение великое, и рать есми тебе давали и ты не захотел, и реклься есть сести своею силою; и ты сяди, с кым ти любо".

П. С. Л., т. XV, стлб. 430.

 

 

© Copyright 2017. "Историческая библиотека"