Из "Повести о ...житии царя и в. князя Федора Ивановича"

О войне казанской и о походе бояр и воевод в Казань. Попущающу богу за грехи християнския овогда гладом, овогда пожаром, овогда нашествием инаплеменников, овогда же межиусобною бранию, в лето 7092 году нашедшу безбожному языку на православную христианскую веру, ни от чюжих орд, ни от земель, ни от подданных царства Московского: есть на восточной стране царство, рекомое Казанское, покори ж его бог царю Ивану Васильевичю взяти царство Казанское, и устроя в нем божии церкви и православную веру, насади град православными крестьяны и архиепискупа в нем устрои Гурия чюдотворца. По тридесят же едином лете сии окаяннии бусурмани не похотеша видети православные христианския; веры и под государевою рукою жить не похотеша, воздвигоша рать и пленища многие городы. Царь же Иван видя их суровство и посла в Казань бояр своих и воевод и повеле им пленити. Они же погании, аки звери суровстии, противяхусь против рати московские; аки змеи ядаху человека жалы своими, тако же и они погании побиваху московских людей, овогда на станах, овогда на походех; бояре же и воеводы не можаху их обратити.

О покорении казанских людей царю Федору Ивановичю. Слышав же сии погании казанстии людие, что сяде на царство московский царь Федор Иванович, и бог приводя их таких поганых языков к такому праведному государю, без войны и бес крови приидоша вси покорением и прошаху милости. Он же щедрый праведный государь прия их покорение, вины им отдал и пожаловал их своим государевым жалованием полным и отпустил их к себе. Сам же государь праведной и разсмотрив, да и видя их и чая от них впредь измены, и посла воевод своих и повеле ставши по всей; Черемиской земле городы, — и поставиша на Нагорной и на Луговой стороне город Какшугу и город Цывилеск и город Уржум и иние многие городы, и насади их рускими людьми, и тем он государь укрепил все царство Казанское.

П. С. Л., т. XIV, стр. 34, 36.

 

 

© Copyright 2017. "Историческая библиотека"