Из "Истории о великом князе Московском" кн. А. М. Курбского

Паки ополчаютца против его оставише князи казанские, вкупе со предреченными протчими языки поганскими, и воюют зелне, не токмо на град Казанский приходяще с великих лесов, но и на землю Муромскую и Новаграда Нижнего наезжают и пленят. Того было беспрестанне, аки шесть лет после взятия места Казанского, иже во оной земле грады новопоставленные, некоторые же и Руской земле в осаде были от них... И падоша полки христианские от поганов... И в тую шесть лет битвы многие быша с ними и воевания; и толикое множество в то время погибе войска христианского... иже вере неподобно.

И по шестом лете собра войско не мало царь наш, вящей нежели от тридесять тысещей... Поидохом в пределы оные далеко, идеже князие казанские с воинствы бусурманскими и другими поганскими ополчашесь.. И было их во ополчению вящей, нежели пятьнадесят тысящей и поставляху битвы с нами и со предними полки нашими; сражашеся мало на двадесять крат, памятамися бо им удобно бываше, яко знаемым во своей их земле; паче же с лесов прихождаху, сопротивляющии же ся нам крепце; и везде за благодатиею божиею, поражаеми были от християн... и того ради мало что их осталось, понеже хождаху за ними месяц целый, а предние полки наши гоняху за ними аж за Уржум и Мет реку, за лесы великие, и оттуда аж до башкирска языка, яж по Каме реке вверх ко Сибири протязается. И что их было осталося, те покоришася нам. И воистинну было, что писати по ряду о оных сражениях з бусурманы, до краткости ради оставляется, бо тогда болыии десяти тысящей воинства бусурманского погубихом со аттаманы их; тогда же славных кровопиицов христианских, Янчюру Измаильтянина и Алеку Черемисина и других князей их немало погубихом. И возвратихомся, за божиею благодатию во отечество со пресветлою победою и со множайшими корыстьми. И оттуду начала усмирятися и покорятися Казанская земля цареви нашему...

А потом взяла была черемиса луговая царя собе с Нагайские орды, броняшеся христианом и воююще; бо тот черемисский язык не мал есть и зело кровопийствен, а обирается их, глаголют, вящей двадесять тысящей войска; потом же егда рассмотривши, иже мало им прибыли с того царя, убиша его и сущих с ним татар, аки триста, и главу ему отсекоша и на высокое дерево воткнули и глаголали: "Мы было взяли тебя того ради на царство, з двором твоим, да обороняеши нас; а ты и сущие с тобою не сотворил нам помощи столько, сколько волов и коров наших поел; а ныне глава твоя да царствует на высоком коле!". Потом избравше себе своих атаманов, бьющеся и воююще с нами крепце, аки два лета, и паки потом ово примиряхуся, ово паки брань начинаху.

Курбский, стлб. 213—220, 226—227.

 

 

© Copyright 2017. "Историческая библиотека"